XAVFSIZ KIBERMAKON” SHIORI OSTIDA UCHRASHUV O'TKAZILDI

2026-yil 13-may kuni Urganch Abu Ali ibn Sino nomidagi Jamoat salomatligi texnikumida “Xavfsiz kibermakon” shiori ostida soha mutaxassislari bilan uchrashuv tashkil etildi.
Mazkur tadbirda Axborot texnologiyalari sohasidagi jinoyatlarga qarshi kurashish boshqarmasi boshlig‘i A.K. Atajanov hamda boshqarma katta inspektori Sh.H. Ro‘zimatov ishtirok etib, o‘quvchi-yoshlarga kibermakon xavfsizligi, internet tarmoqlaridan to‘g‘ri va xavfsiz foydalanish, kiberjinoyatlardan himoyalanish hamda axborot xavfsizligini ta’minlash bo‘yicha muhim tavsiya va tushuntirishlar berdilar.
Uchrashuv davomida bugungi raqamli davrda yoshlarning axborot texnologiyalaridan oqilona foydalanishi, ijtimoiy tarmoqlardagi turli tahdidlardan ogoh bo‘lishi hamda shaxsiy ma’lumotlarni himoya qilish masalalariga alohida e’tibor qaratildi. Shuningdek, kiberfiribgarlik, noqonuniy axborot tarqatish va internet orqali sodir etilayotgan jinoyatlarning oldini olish yuzasidan batafsil ma’lumotlar berildi.
Tadbir savol-javoblarga boy, ochiq muloqot tarzida o‘tib, o‘quvchilarning mavzu yuzasidan qiziqtirgan savollariga mutaxassislar tomonidan atroflicha javoblar berildi. Mazkur uchrashuv yoshlar o‘rtasida axborot madaniyatini yuksaltirish hamda xavfsiz kibermakon muhitini shakllantirishda muhim аhamiyat kasb etdi.