PAYSHANBA- YOSHLAR KUNI

Urganch Abu Ali ibn Sino nomidagi Jamoat salomatligi texnikumida payshanba – yoshlar kuni munosabati bilan uchrashuv tashkil etildi. Mazkur uchrashuvda Urganch shahridagi Milliy bank boshqaruvchisi Sh. Madraimov hamda Milliy bank boshqarma boshlig‘i o‘rinbosari M. Masharipov ishtirok etdilar.
Tadbir davomida talaba-yoshlarga mamlakatimizda yoshlarni qo‘llab-quvvatlash borasida amalga oshirilayotgan islohotlar, bank-moliya tizimidagi imkoniyatlar, tadbirkorlik faoliyatini boshlash hamda imtiyozli kreditlardan samarali foydalanish masalalari yuzasidan batafsil ma’lumotlar berildi.
Shuningdek, uchrashuv jarayonida yoshlarning kasbiy rivoji, ularning tashabbus va g‘oyalarini qo‘llab-quvvatlash, moliyaviy savodxonlikni oshirish masalalariga alohida e’tibor qaratildi. Tadbir yakunida talaba-yoshlar o‘zlarini qiziqtirgan savollar bilan murojaat qilib, mutaxassislar tomonidan batafsil javoblar oldilar.