BITIRUVCHI - 2026

2026-yil 10-iyul kuni Urganch Abu Ali Ibn Sino nomidagi Jamoat salomatligi texnikumida  bitiruvchilariga diplom topshirishning tantanali marosimi yuqori saviyada tashkil etildi. Mazkur tadbir texnikum hayotidagi muhim va unutilmas voqealardan biri bo‘lib, unda bitiruvchilar, ularning ota-onalari, pedagoglar, faxriy ustozlar ishtirok etdilar.
Texnikum rahbariyati yig‘ilganlarni samimiy qutlab, bitiruvchilarning ta’lim olish davomida erishgan yutuqlari, kasbiy bilim va amaliy ko‘nikmalarni muvaffaqiyatli egallaganliklari haqida alohida to‘xtalib o‘tdi.
Tadbir davomida o‘quv jarayonida yuqori natijalarga erishgan, jamoat ishlarida faol ishtirok etgan hamda turli tanlov va musobaqalarda texnikum sha’nini munosib himoya qilgan bitiruvchilar alohida e’tirof etildi. Ularga diplomlar tantanali ravishda topshirilib, tashakkurnomalar bilan taqdirlandi. Bitiruvchilarning ota-onalariga farzandlarining ta’lim-tarbiyasiga qo‘shgan hissalari uchun minnatdorlik bildirishdi.