DAVRA SUHBATI

2026-yil 1-may kuni Urganch shahridagi Abu Ali ibn Sino nomidagi Jamoat salomatligi texnikumida Vazirlar Mahkamasi huzuridagi Migratsiya agentligi Xorazm filiali xodimi  R.Q. Niyazov hamda NMT “Berliner” nemis tili o‘quv markazi xodimi O.R. Yaqubov tomonidan o‘quvchi-yoshlar bilan davra suhbati tashkil etildi. Unda yoshlar uchun xorijda ta’lim olish, mehnat faoliyatini qonuniy tashkil etish, migratsiya jarayonlaridagi imkoniyat va talablar haqida batafsil ma’lumotlar berildi.
Shuningdek, nemis tilini o‘rganishning ahamiyati, xalqaro sertifikatlar, Germaniyada o‘qish va ishlash shartlari yuzasidan foydali tavsiyalar berildi. Tadbir davomida o‘quvchilar o‘zlarini qiziqtirgan savollarga mutaxassislar tomonidan batafsil javob oldilar. Bu kabi uchrashuvlar yoshlarning kelajak rejalari va kasbiy yo‘nalishlarini belgilashda muhim ahamiyat kasb etadi.