Shvetsariyaning “Globogate Concept AG” kompaniyasi va migratsiya agentligi hamkorligida Germaniyada tibbiyot xodimlarini ishga jalb qilish bo‘yicha qator loyihalar yo‘lga qo‘yilmoqda.

Joriy yilning 22- oktabr kuni Urganch  Abu Ali ibn Sino nomidagi Jamoat salomatligi texnikumida  1-kurs talabalari bilan O‘zbekiston Migratsiya agentligi va GLOBOGATE dasturi orqali Germaniyada ishlash bo‘yicha  GLOBOGATE kompaniyasining O‘zbekiston  kordinatori N.Tillashayxova va Vazirlar Mahkamasi huzuridagi migratsiya agentligi Xorazm filiali  xodimi R.Q.Niyazovlar ishtirokida uchrashuv o'tkazildi . Uchrashuvning asosiy maqsadi Germaniyada tibbiyot xodimlariga bo‘lgan ehtiyojni qondirish va O‘zbekiston yoshlariga xalqaro tajriba orttirish imkoniyat yaratish ko‘zda tutilgan. Talabalar nafaqat tibbiy bilimlarni, balki yuqori sifatli til va madaniy integratsiya kurslarini ham o‘zlashtiradilar. Mazkur akademiyada o‘qish istagida bo‘lgan talabalar 3 yil davomida nemis tili va tibbiyot sohasi bo‘yicha ta'lim olish, yakunida Germaniya tibbiyot klinikalarida ish imkoniyatiga ega bo‘lishadi.Talabalar o'zlarini qiziqtirgan savollarga yetarlicha ma'lumot olishdi.