Kasbiy ta’lim tashkilotlari direktorlarining an`anaviy avgust kengashi bo‘lib o‘tdi

2025-yil 25-avgust kuni Urganch Abu Ali ibn Sino nomidagi Jamoat salomatligi texnikumida kasbiy ta’lim tashkilotlari direktorlarining  2025/2026-o‘quv yiliga tayyorgarlik  bo‘yicha Avgust kengashi bo‘lib o‘tdi. Unda viloyatimizdagi mavjud  barcha kasbiy ta’lim rahbarlari ishtirok qilishdi. Yig‘ilishni Xorazm viloyati Oliy ta’lim, fan va innovatsiyalar boshqarmasi boshlig‘i  Z.Ya. So’dullayev ochib berdi va ishtirokchilarni O‘zbekiston Respublikasi Mustaqilligining 34 yilligi hamda yangi o‘quv yili bilan tabrikladi.Yig‘ilishda kun tartibidagi masalalar, jumladan,2025/2026-o‘quv yiliga tayyorgarlik, rahbar va pedagog kadrlarning kasbiy kompetentligini rivojlantirish,o‘quv-metodik ta’minotni kuchaytirish, ta’lim jarayonining samaradorligini oshirish, xalqaro ta’lim dasturlarini joriy etish, mehnat bozori va ta’lim integratsiyasini ta’minlash, dual ta'limni tashkil qilish masalalar muhokama qilindi. O‘zbekiston Respublikasi Prezidentining 2024-yil 16-oktabrdagi PF-158-son Farmoni ijrosiga alohida to‘xtalib o‘tildi hamda yangi o‘quv yilidagi ustuvor vazifalar belgilab olindi.
Yig‘ilish yakunida  kasbiy ta’lim tashkilotlarining rahbarlari  yuqoridagi masalalar bo‘yicha o‘z fikr-mulohazalarini bayon qilishdi, ta’lim sifatini oshirish yuzasidan o‘z takliflarini berishdi.