“Kitob o‘qish ” marafoni

“Milliy qadriyatlar va ularning millat ma’naviyatidagi o‘rni” shiori ostida talaba- o‘quvchilar o‘rtasida milliy qadriyatlarimizni,tarix va madaniyatamizni keng targ‘ib qilish,milliy o‘zlikni anglash hamda tarixga bo‘lgan qiziqishini oshirish, milliy meros va tarixga hurmat tuyg‘usini shakllantirish maqsadida ta’lim muassasasi o‘quvchilari   o‘rtasida  2025-yil 4-aprel kuni  “Kitob o‘qish marafoni” o‘tkazildi.
“Kitob o‘qish marafoni” da o‘quvchilar O‘tkir Hoshimovning “Dunyoning ishlari” asarini o‘qishdi va asar yuzasidan suhbatlashishdi. “Dunyoning ishlari”qissasi chuqur psixologik asar hisoblanadi. O‘qigan har bir insoni ta'sirlantiradi. Qaysidir hikoyalari insonning yuziga tabassum yugurtirsa, boshqa voqealar ko‘zga yosh indiradi. “Dunyoning ishlari” qissasi muallif har bir farzand vaqtida onasini qadriga yetishi va uning oldidagi burch hamda vazifalarni bajarishi lozimligini eslatadi. Yo‘qsa, vaqtlar o‘tgandan so‘ng afsus qilishi tayin. O‘ttizta novellani o‘zida jamlagan ushbu asar, o‘zbek onalarining kechinmalari, his-tuyg‘ulari, go‘zal xislatlarini ochib berish bilan birga, farzandlar uchun nasihat hamdir.