“Yoshlarning ma'naviy-axloqiy holatiga salbiy ta’sir ko‘rsatuvchi huquqbuzarlik, giyohvandlik, axloqsizlik kabi muammolarni bartaraf etishning samarali yo‘llari” mavzusida targ‘ibot tadbiri o‘tkazildi

Targ‘ibot tadbirini YBIBDO‘ M.X.Zaripova  kirish so‘zi  bilan ochib bugungi kunda mamlakatimizda olib borilayotgan keng qamrovli islohotlar qatorida huquqbuzarlik, giyohvandlik, axloqsizlik va ularni oldini olish borasida qator ishlar olib borilayotganligi, mazkur uchrashuv mustaqil fikrlaydigan, milliy va umuminsoniy qadriyatlarga hurmat bilan qaraydigan, milliy madaniyatimizga yot bo‘lgan zararli ta’sirlarga qarshi turishga qodir yoshlarni tarbiyalashga qaratilganligini alohida ta’kidladi.                  Tadbirda giyohvandlikning ayanchli oqibatlarini aks ettirgan videorolik namoyish qilindi.                    Shuningdek, bugungi kunda jamiyat va oilalar tanazzuliga sabab bo‘layotgan giyohvandlik illatiga qarshi kurashish zarurligi hamda ushbu xavf-xatarlarga nisbatan hushyor va ogoh bo‘lish davr talabi ekanligi alohida ta’kidlandi.
Mazkur tadbir talaba-yoshlarni zararli odatlardan himoya qilish hamda ularning huquqiy savodxonligini oshirishga xizmat qildi.