Hurmatli tibbiyot xodimlari, aziz hamkasblar!

Tibbiyot kasbi — bu inson qalbiga umid, ko‘zlariga nur va hayotiga davom bag‘ishlaydigan olijanob yo‘ldir. Har biringizning qo‘lingizda hayot tarozisi, har bir so‘zingizda taskin, har bir amalingizda esa minglab taqdirlar yotadi.Sizlar har kuni og‘ir sinovlar, mas’uliyat va qiyinchiliklar qarshisida  mehr, sadoqat va professionallik bilan xizmat qilib kelmoqdasiz. Shifokor — bu faqat kasb emas, bu insoniyatga berilgan eng ulug‘ ishonchdir.Urganch Abu Ali ibn Sino nomidagi Jamoat salomatligi texnikumi o'qituvchilari  ham yurtimizga bilimli, halol va vijdonli mutaxassislarni yetishtirishni o‘z oldiga maqsad qilgan. Sizlarning har bir ilmiy mehnatingiz, tarbiyaviy yo‘nalishingiz va amaliy tajribangiz — jamiyat salomatligiga qo‘shilgan benazir hissadir.
Sizlarga hamisha mustahkam sog‘liq, qalbingizda sokinlik, safingizda birlik, ishlaringizda esa yangidan-yangi yutuqlar yor bo‘lsin. 
Kasb bayramingiz muborak!
Sizlarning mehringiz — hayotni davom ettiradi.
Hurmat bilan,
Axmedova Muborak Marksovna