Urganch Abu Ali ibn Sino nomidagi Jamoat salomatligi texnikumida 2025–2026 o‘quv yilida talabalikka qabul qilingan o‘quvchilar va ularning ota-onalari bilan uchrashuv o‘tkazildi.

Mazkur tadbirda ta’lim muassasasining ichki tartib-qoidalari, odob-axloq me’yorlari, ta’lim-tarbiya jarayoniga oid muhim jihatlar yuzasidan atroflicha ma’lumot berildi.
Uchrashuvning asosiy maqsadi – yangi qabul qilingan o‘quvchilarni texnikum va guruh rahbarlari  bilan tanishtitish, ularda intizom va mas’uliyat hissini shakllantirish, shuningdek ota-onalar bilan samarali hamkorlikni yo‘lga qo‘yishdan iboratdir.

Tadbir davomida talabalarga huquq va majburiyatlari, texnikumdagi tartib-intizom hamda boshqa muhim masalalar  borasida batafsil tushuntirishlar berildi.

Texnikum jamoasining bosh maqsadi – yoshlarni bilimli, intizomli, odob-axloqli va ma’naviy barkamol mutaxassislar qilib tarbiyalashdir.