8-may kuni Oliy taʼlim, fan va innovatsiyalar vazirligi markaziy apparati hamda tizim tashkilotlari xodimlari uchun o‘quv-ma’rifiy tadbir tashkil etildi.

Tadbir “Oʻzbekiston Respublikasida fuqarolarning vijdon erkinligini taʼminlash va diniy sohadagi davlat siyosati konsepsiyasi”ning mazmun-mohiyatini tushuntirishga bag‘ishlandi. Unda ishtirokchilarga konsepsiyada belgilangan asosiy g‘oya, tamoyillar va maqsadlar haqida batafsil ma’lumot berildi.
Mavzu yuzasidan Din ishlari bo‘yicha qo‘mitasi raisi o‘rinbosari Matluba Qahhorova hamda qo‘mita raisi maslahatchisi Ilhom Ma’rupov ma’ruza bilan ishtirok etishdi. Ular konsepsiyaning davlat va jamiyat hayotidagi o‘rni, diniy bag‘rikenglikni ta’minlashdagi roli, shuningdek, vijdon erkinligining qonuniy asoslari haqida atroflicha tushuntirishlar berishdi.

Tadbir so‘ngida vazirlik xodimlari tomonidan bildirilgan savollarga ma’ruzachilar tomonidan javob qaytarilib, mavzu yuzasidan yuzaga kelgan qiziqishlarga batafsil ma’lumot berildi