Ta'lim muassasasida “Oila hamshirasi " to‘garagi o'tkazildi

2025-yil  21-avgust  kuni Urganch Abu Ali ibn Sino nomidagi Jamoat salomatligi texnikumida “Dolzarb 90 kunlik” loyihasi doirasida  “Oila hamshirasi  to‘garagi o‘tkazildi. Ushbu to‘garakning asosiy maqsadi —yoshlarning tibbiy bilimlarini oshirish, sog‘lom turmush tarzini shakllantirish, oilaviy tibbiyot va parvarishlashning muhim jihatlari bilan yaqindan tanishtirishdan iboratdir.
To‘garakda kasalliklarning oldini olish bo‘yicha amaliy ko‘nikmalar,sanitariya-gigiyena qoidalari, ona va bola salomatligini asrash usullari,oilada tibbiy madaniyatni shakllantirish yo‘llari keng yoritildi.
Shuningdek, o‘quvchilar uchun turli savol-javoblar, amaliy mashg‘ulotlar va tibbiy maslahatlar tashkil qilinib, yoshlar o‘zlarini qiziqtirgan savollarga batafsil javob olishdi.Mazkur tadbir yoshlarda sog‘lom turmush tarziga bo‘lgan qiziqishni yanada oshirib, ularning hayotiy ko‘nikmalarini mustahkamlashlariga xizmat qildi.