Muzeyga tashrif

2025-yil 4-iyun kuni Urganch Аbu Ali ibn Sino nomidagi jamoat salomatligi texnikumi 1 guruh talabalarining “O‘zbekiston zamonaviy san’at  muzeyi” ga tashrifi tashkil etildi. Talabalar muzeyda namoyish etilgan turli uslub va yo‘nalishlardagi zamonaviy rassomlarning asarlarini katta qiziqish bilan tomosha qildilar. Ayniqsa, o‘zbek rassomlari tomonidan chizilgan milliy ruhdagi kartinalar, haykaltaroshlik namunalari  talabalarda katta taassurot qoldirdi. Muzey xodimlari tomonidan berilgan tushuntirishlar san’atning mazmun-mohiyatini anglashga yordam berdi.

Tashrif davomida talabalar san’atning zamonaviy talqinlari, tasviriy va amaliy san’atdagi yangi yondashuvlar bilan tanishib, o‘zlarining fikr-mulohazalari bilan o‘rtoqlashdilar. Bunday tashriflar yoshlarning ma’naviy dunyosini boyitishda, ularni ijodiy fikrlashga undashda muhim o‘rin tutadi.