VAZIR TASHRIFI

Bugun Oliy ta’lim, fan va innovatsiyalar vaziri Qo'ng'irotboy Sharipov Urganch Abu Ali ibn Sino nomidagi Jamoat salomatligi texnikumiga tashrif buyurdi. Vazirga Kasbiy ta’lim tizimini rivojlantirish departamenti boshlig‘i U.Alijonov, Xorazm viloyati Oliy ta’lim, fan va innovatsiyalar boshqarmasi boshlig‘i  Z.Ya.So’dullayev va boshqa mutasaddillar hamrohlik qilishdi. Tashrif doirasida vazir texnikumda amalga oshirilayotgan ishlar, yaratilgan sharoitlar bilan yaqindan tanishdi, o‘quv amaliyoti dars mashg‘ulotlarida qatnashib o‘quvchilarning  mavzuga doir amaliy ko‘nikmalarni  tibbiy model va mulyajlardan foydalanib bajarishlarini kuzatdi. Shundan so‘ng,  ta’lim muassasasining  trening markazi faoliyati, o‘quv laboratoriyalari  bilan tanishdi. Yoshlarning chet tillarini o‘rganish va kasb egallashlariga bo‘lgan qiziqishlarini qo‘llab-quvvatlash, ularni ichki va tashqi mehnat bozorida raqobatbardosh kadrlar sifatida tayyorlash tizimini takomillashtirish, shuningdek, xorijiy davlatlarda ishlash imkoniyatlarini kengaytirish maqsadida texnikumda tashkil qilingan  ”Nemis tili” o‘quv kursi faoliyati bilan yaqindan tanishdi. Bugungi kunda taʼlim va tarbiyaga qaratilayotgan eʼtibor, ilmiy izlanishlar borasida dunyo tajribasi va xalqaro maydondagi raqobat, zamon talabiga mos  kadrlar tayyorlash masalasining dolzarbligi, ayniqsa, barkamol shaxs maʼnaviyatini shakllantirish boʻyicha o‘z fikr-mulohazalarini bildirdi,  zarur taklif va tavsiyalarini berdi. Texnikum direktori M.M.Axmedova mehmonlarga ta’lim muassasasida olib borilayotgan xorijiy davlatlar bilan  hamkorlik aloqalari va hamkorlikning kelgusidagi rejalari haqida maʼlumotlar berdi.

Watch video on You Tube