Ahamiyatga molik uchrashuvlar

Oliy ta’lim, fan va innovatsiyalar vazirligi delegatsiyasi tarkibida  bo‘lib, hafta davomida  Xitoy xalq Respublikasining Chongchin va Anxu provinsiyasining Xefey shahri yetakchi tibbiyot ta’lim muassasalari faoliyati bilan yaqindan tanishdim. Tashrif davomida Chongchin tibbiyot kolleji, Anxu tibbiyot universiteti, Anxu tibbiyot kollejida zamonaviy farmatsevtika laboratoriyalari va tibbiy klinikalardagi o‘quv amaliyot jarayonlari bilan tanishdim. “Jingkeming Education texnologiy (Chongking )”  kompaniyasi o‘rtasida imzolangan anglashuv memorandumiga asosan O‘zbekiston Xitoy kasbiy ta’lim sohasida o‘zaro tajriba almashish, Xitoy xalq respublikasidagi tibbiyot kollejlari hamda yirik ish beruvchi kompaniyalar faoliyati bilan yaqindan tanishib,  o‘zaro hamkorlik masalalarini muhokama qildik. Xitoy xalq  Respublikasi hamda O‘zbekiston Respublikasining kasbiy ta’lim tashkilotlar bilan qo‘shma ta’lim dasturlarini amalga oshirish yuzasidan Xitoy xalq Respublikasi Anxu provinsiyasining “Anhui Medical College of China” bilan anglashuv memorandumini imzoladim. Ushbu imzolash marosimi  2025 yilning 18 aprel kuni bo‘lib o‘tdi. Xitoy xalq Respublikasiga tashrif davomida yirik ish beruvchi kompaniyalardan “Zubio” farmatsevtika korxonasi bilan , shuningdek, Chongchin stomatologiya va hamshiralik kollejlari hamda Anxu tibbiyot universiteti o‘quv laboratoriyalari, universitet qoshidagi klinik bazasi va  kutubxonasi  bilan yaqindan tanishdim. Xitoy xalq Respublikasidagi barcha  uchrashuvlarimiz juda boy taassurotlar bilan yakunlandi.