HAMKORLIK SHARTNOMASI

TOSHKENT TIBBIYOT AKADEMIYASI 

URGANCH FILIALI VA

URGANCH ABU ALI IBN SINO NOMIDAGI JAMOAT SALOMATLIGI TEXNIKUMI BILAN 

1. Umumiy qoidalar

1.1 Mazkur shartnoma O‘zbekiston  Respublikasi «Ta’lim to‘g‘risidagi» qonuni, kadrlar tayyorlash milliy dasturini hayotga izchillik bilan tatbiq etish, kadrlar tayyorlash samaradorligini oshirish, milliy dasturning 3.3-bandiga ko‘ra, ta’lim turlari o‘rtasidagi o‘zaro integrasiya jarayonini kuchaytirish hamda ular o‘rtasidagi uzviylik va uzluksizlikni ta’minlash maqsadida Toshkent tibbiyot akademiyasi Urganch filiali direktori R.Y.Ruzibayev bir tomondan, ikkinchi tomondan Urganch Abu Ali ibn Sino nomidagi jamoat salomatligi texnikumi direktori N.A.Abdullayev tomonidan tuzildi.

1.2. Ushbu shartnoma texnikumning mehnat jamoalari orasida muxokama qilinib, har ikkala  ta’lim   muassasasi  rahbarlari tomonidan  imzolanib, muxr  bosilgan  kundan  kuchga  kiradi  va  hamkorlik  faoliyatidagi yuridik hujjat hisoblanadi. Shartnomaning ayrim  bandlariga  tomonlarning    kelishuvi asosida o‘zgartirishlar, qo‘shimchalar kiritish mumkin. Shartnomaning  amal  qilish  muddati    imzolangan  kundan boshlab 2 (ikki) yildir.

1.3. Shartnoma bandlarining  bajarilish  holati bir o‘quv  yilida  kamida  ikki  marotaba TTA Urganch filiali ilmiy-uslubiy kengashida va Urganch Abu Ali ibn Sino nomidagi jamoat salomatligi texnikumining ilmiy-pedagogik kengashida ko‘rib boriladi.

1.4. Shartnoma bandlarining to‘liq va samarali bajarilishini ta’minlash maqsadida tomonlarning o‘zaro kelishuvi asosida, har o‘quv yili uchun reja qabul qilinadi va tasdiqlanadi.

1. Hamkorlik shartnomasi bo‘yicha tomonlarning majburiyatlari 

O‘quv, o‘quv-uslubiy ishlar bo‘yicha:

2.1. TTA Urganch filiali  kafedralari professor-o‘qituvchilarining majburiyatlari

2.1.1. Ta’limda  uzliksizlik  va   o‘quv  fanlar orasida uzviylikni  hisobga olgan holda Davlat ta’lim standartlari, o‘quv rejalari va fan dasturlarini texnikum bilan hamkorlikda takomillashtirib borish;

2.1.2. Talabalarning davlat malakaviy ishlariga rahbarlik qilish uchun kafedra a’zolaridan professor o‘qituvchilar tayinlash;

2.1.3. Professional ta’lim tizimida ta’lim samaradorligini oshirishga xizmat qiluvchi imkoniyatlar va shart-sharoitlar yaratish bo‘yicha tavsiyalar berish;

2.1.4. Texnikum talabalarining zamon talabi darajasidagi mutaxassis bo‘lib yetishishlarida ijtimoiy-gumanitar ta’lim yo‘nalishidagi ma’naviy-ma’rifiy, o‘quv, ilmiy-uslubiy materiallarni  tayyorlashda  amaliy  yordam  berib  borish;

2.1.5. Ta’lim tizimida zamonaviy pedagogik va axborot texnologiyalarini qo‘llashda hamkorlik qilish;

2.1.6. Texnikum talabalari uchun ta’lim muassasalari mutaxassislari bilan hamkorlikda o‘quv adabiyotlar (qo‘llanmalar, darsliklar) yaratish;

2.1.7. O‘quv, ilmiy-uslubiy ishlar samaradorligini oshirishga xizmat qiluvchi seminarlar o‘tkazish;

2.1.8. Texnikumda faoliyat ko‘rsatayotgan o‘qituvchi-pedagog va mutaxassislarning malakalarini oshirishda hamkorlik qilish.

2.1.9. TTA Urganch filiali bazasidan professional ta’lim muassasasining foydalanishiga sharoit va imkoniyatlar yaratish: darslarni o‘quv laboratoriyalari, simulyatsion o‘quv xonalari,   ARM,  klinik bazalardagi o ‘quv amaliyot xonalarida dars o ‘tish imkoniyatlarini yaratish.

2.2. Urganch Abu Ali ibn Sino nomidagi jamoat salomatligi texnikumi majburiyatlari:

2.2.1. Ta’lim standartlari asosida yaratilgan o‘quv dasturlari va rejalarini takomillashtirishga qaratilgan hamkorlik  takliflrini berish;

2.2.2. Hamkorlikda faoliyat  ko‘rsatayotgan  kafedra  professor-o‘qituvchilariga  zarur shart-sharoitlar yaratish;

2.2.3. Texnikum tasarrufidagi auditoriyalarda mashg‘ulot o‘tkazish, kutubxona, o‘quv zallari va laboratoriyalaridan foydalanishlariga sharoitlar yaratib berish;

2.2.4. Texnikumdagi iqtidorli talabalar bilan kafedra professor-o‘qituvchilarining qo‘shimcha mashg‘ulotlar olib borishlariga shart-sharoitlar yaratib berish;

2.2.5. Texnikumdagi hamkorlik asosida faoliyat  ko‘rsatayotgan  kafedraning  professor-o‘qituvchilarini imkoniyat  darajasida shtatlar jadvali asosida darslar bilan ta’minlash;

2.2.6. Darslik va o‘quv  qo‘llanmalar    yaratayotgan  mualliflarni  zaruriy  ta’lim standartlari, fan dasturlari va adabiyotlar bilan ta’minlash;

Ilmiy-tadqiqot ishlari bo‘yicha

2.3. TTA Urganch filiali kafedralari professor-o‘qituvchilarining majburiyatlari:

2.3.1. Kadrlar tayyorlash va ilmiy-tadqiqot ishlarini olib borish va ish tajribasi bo‘yicha axborotlar almashish;

2.3.2. Ilmiy-tadqiqot ishlari bo‘yicha texnikum o‘qituvchi-pedagoglari bilan hamkorlik qilish, ularga ilmiy-uslubiy yo‘nalishlar berish;

2.3.3. O‘zaro manfaatli mavzular bo‘yicha  ma’ruzalar o‘qish, birgalikda ilmiy-nazariy, ilmiy-uslubiy konferensiya va seminarlar o‘tkazish;

2.3.4. Ilmiy-tadqiqot ishlariga texnikum mutaxassislarini  jalb etish, ularni magistratura, doktoranturada o‘qishlariga yo‘nalishlar berish hamda ilmiy rahbar va maslahatchilar tanlashda yordam berish;

2.3.5. Hamkorlikda bajariladigan ilmiy-tadqiqot ishlariga rahbarlik qilish;

2.3.6. Texnikumda ta’lim olayotgan iqtidorli talabalarning ilmiy to‘garaklar faoliyatini yo‘lga qo‘yishga yordam berish;

2.3.7. TTA Urganch filiali kutubxonalarida mavjud bo‘lgan an’anaviy va elektron o‘quv adabiyotlaridan hamkor texnikumida foydalanishi uchun shat-sharoitlar yaratib berish;

2.3. Tayanch va unga biriktirilgan texnikumdagi mavjud keltirilgan zamonaviy asbob-uskunalardan laboratoriya va amaliy mashg‘ulotlarini o‘tkazishda foydalanish bo‘yicha uslubiy qo‘llanma va ko‘rsatmalar bilan ta’minlashga amaliy yordam ko‘rsatish.

2.4. UrganchAbu Ali ibn Sino nomidagi jamoat salomatligi texnikumi o‘qituvchi-pedagoglarining majburiyatlari:

2.4.1. Texnikum o‘qituvchi-pedagoglarini ilmiy-tadqiqot ishlariga jalb etish;

2.4.2. Samarali ilmiy-tadqiqot ishlarini olib borish uchun shart-sharoitlar yaratish;

2.4.3. Ilmiy-nazariy, ilmiy-uslubiy konferensiyalar o‘tkazish uchun zarur sharoit yaratish;

2.4.4. Hamkorlikdagi ilmiy to‘plamlar va ilmiy-nazariy, ilmiy-uslubiy konferensiya va seminarlar materiallarini nashr ettirish. 

Ma’naviy-ma’rifiy ishlar bo‘yicha

2.5. TTA Urganch filialining majburiyatlari:

2.5.1. Texnikum jamoasi orasida umumbashariy va milliy qadriyatlarni e’zozlashga qaratilgan tadbirlarni o‘tkazishda hamkorlik qilish;

2.5.2. Milliy istiqlol g‘oyasining asosiy tushuncha va tamoyillarini, istiqlol yillaridagi mamlakatimiz ichki hamda tashqi siyosatining mohiyatini texnikumda keng targ‘ib qilish;

2.5.3. Sog‘lom turmush tarzini shakllanishiga xizmat qiluvchi, insoniy fazilatlarni qadrlashga qaratilgan tadbirlar o‘tkzish;

2.5.4. Texnikum o‘quv binolari va talabalar uylarini milliy qadriyatlar ruhi asosida jixozlanishida  amaliy  va   uslubiy maslahatlar berish;

2.5.5. Yil mazmunini o‘zida mujassamlashtirgan hukumat dasturlari va qarorlarini talabalar orasida hamda talabalar uylarida targ‘ib qilishda ishtirok etish;

2.5.6. Texnikumdagi ma’naviy-ma’rifiy ishlarning samaradorligini oshirishga qaratilgan tadbirlar rejasini birgalikda ishlab chiqish.

2.6. UrganchAbu Ali ibn Sino nomidagi jamoat salomatligi texnikumi o‘qituvchi-pedagoglarining majburiyatlari:

2.6.1. Texnikumda o‘tkaziladigan  barcha  ma’naviy-ma’rifiy  ishlarda kafedra jamoasi bilan hamkorlik qilish;

2.6.2. Umumbashariy va milliy qadriyatlarni e’zozlashga qaratilgan tadbirlar rejalarini hamkorlikda ishlab chiqish va amalga oshirish;

2.6.3. O‘quv muassasasida mazmunan samarali bo‘lgan ma’naviy-ma’rifiy tadbirlarni o‘tkazishga zarur bo‘lgan shart-sharoitlarni yaratish;

2.6.4. Milliy qadriyatlarni e’zozlovchi, o‘zlikni  anglashga  xizmat qiluvchi  ko‘rik  tanlovlar o‘tkazish;

2.6.5. Ma’naviy-ma’rifiy targ‘ibot ishlarida faol ishtirok etganlarni moddiy va ma’naviy jixatdan rag‘batlantirish.

Toshkent tibbiyot akademiyasi Urganch filiali va Urganch Abu Ali ibn Sino nomidagi Jamoat salomatligi texnikumi bilan hamkorlikda 2024-2025 o‘quv yilida amalga oshiriladigan 

CHORA-TADBIRLAR REJASI

Yuqori turuvchi boshqaruv tashkilotlari:

O`zbekiston Respublikasi Oliy va o`rta maxsus ta`lim vazirligining 2022 yil 23 dekabrdagi   5/13-23/12-sonli xatiga muvofiq O‘zbekiston Respublikasi Vazirlar Mahkamasining 2020-yil 7-avgustdagi “O‘zbekiston Respublikasida uzluksiz boshlang‘ich, o‘rta va o‘rta maxsus professional ta’lim tizimini tartibga soluvchi normativ-huquqiy hujjatlarni tasdiqlash to‘g‘risida”gi 466-son qarorigaasosan professional ta’lim muassasalarida  o‘quvchilarning  korxona va tashkilotlarda  ishlab chiqarish amaliyotlarini  sifatli tashkil etish bo’yicha Urganch Abu Ali ibn Sino nomidagi Jamoat salomatligi texnikumi quyidagi davolash-profilaktika  muassasalari bilan shartnomalar tuzgan:

1. Xorazm viloyat ko`p tarmoqli tibbiyot birlashmasi. 

2. Xorazm viloyat bolalar ko`p tarmoqli tibbiyot birlashmasi.
3. Xorazm viloyat endokrinologiya markazi.
4. Xorazm viloyat perinatal markazi.
5. Urganch shahar shifoxonasi.
6. Toshkent tibbiyot akademiyasi Urganch filiali.
7. Urganch shahar 1-son oilaviy poliklinikasi.
8. Urganch shahar 2-son oilaviy poliklinikasi.
9. Urganch shahar 3-son oilaviy poliklinikasi.
10. Urganch tuman tibbiyot birlashmasi.
11. Xonqa TTB.
12. Yangibazor TTB.
13. Qo`shko`pir TTB.
14. Xiva TTB.
15. Bog`ot TTB.
16. Gurlan TTB.
17. Shovot TTB
18. Yangiariq TTB
19. Hazorasp TTB
20. ”Xorazm Dori-darmon” MCHJ
21. ”Shovot Obi hayot sihatgohi” MCHJ

Urganch avtomobil va yo'llar texnikumi bilan tuzilgan hamkorlik shartnomasi: