1 MART - ZULFIYAXONIM TAVALLUD TOPGAN KUN

Bahorning ilk kuni sevimli shoira, vafo va sadoqat kuychisi Zulfiyaxonim tavallud ayyomi bilan boshlanadi. Urganch Abu Ali ibn Sino nomidagi Jamoat salomatligi texnikumida ham Zulfiyaxonimning 108 yilligiga bag'ishlab "Bahor keldi seni so’roqlab" mavzusida ma’naviy –ma’rifiy tadbir bo’lib o’tdi. “Xirurgik fanlar” kafedrasi o’qituvchisi G.R.Sapayeva va ARM xodimi N.Tangriberganovalar tomonidan tashkillashtirilgan ushbu tadbirda talabalar  shoiraning hayoti va ijodi,  uning nomiga taʼsis etilgan Davlat mukofoti haqida ma’lumotlar berishdi, H.Olimjon va Zulfiyaning  sheʻrlaridan namunalar o’qishdi, sahna ko’rinishlarini namoyish qilishdi. Tadbir yakunida  faol ishtirok qilgan talabalar  faxriy yorliq bilan taqdirlandilar.