“Milliy libos hammaga yarashadi” shiori ostida ma’naviy-ma’rifiy tadbir  o‘tkazildi

2026-yil 21-may kuni Urganch Abu Ali ibn Sino nomidagi Jamoat salomatligi texnikumida “Milliy libos hammaga yarashadi” shiori ostida ma’naviy-ma’rifiy tadbir yuqori saviyada tashkil etildi. Tadbir davomida ta’lim muassasasi pedagog xodimlari va o‘quvchi-yoshlar o‘zbek milliy liboslarining betakror jozibasi, milliy qadriyatlarimiz va urf-odatlarimizni namoyon etib, milliy an’analarimizga bo‘lgan hurmat va e’tiborlarini yana bir bor ifoda etdilar.

Milliy liboslar — xalqimizning boy tarixi, nafis didi va ma’naviy merosining yorqin ifodasidir. Ushbu tadbir yosh avlod qalbida milliy qadriyatlarga sadoqat, vatanparvarlik va estetik didni shakllantirishga xizmat qildi. Tadbir ko‘tarinki ruh, chiroyli chiqishlar va unutilmas lahzalarga boy tarzda o‘tdi.