Yoleybol musobaqasi

2026-yil 6-aprel kuni Urganch Abu Ali ibn Sino nomidagi jamoat salomatligi texnikumida qizlar o‘rtasida voleybol musobaqasi tashkil etildi. Unda turli guruhlardan tuzilgan jamoalar faol ishtirok etib, o‘zaro do‘stona va qizg‘in bahslar olib borishdi. Musobaqa davomida ishtirokchilar nafaqat jismoniy tayyorgarliklarini, balki jamoaviy hamkorlik va sportga bo‘lgan qiziqishlarini ham namoyon etdilar.
Yakunda eng kuchli jamoalar aniqlanib, g‘olib va sovrindorlar diplom hamda esdalik sovg‘alari bilan taqdirlandi. Ushbu tadbir yoshlar o‘rtasida sog‘lom turmush tarzini targ‘ib qilish, sportga bo‘lgan mehrni oshirish hamda do‘stlik rishtalarini mustahkamlashga xizmat qildi.