ДIREKTOR VA YOSHLAR UCHRASHUVI

Xabaringiz bor, Urganch Abu Ali ibn Sino nomidagi jamoat salomatligi texnikumi direktori M.M.Axmedova joriy yilning  14-20 aprel kunlari Xitoy Xalq Respublikasida xizmat safarida bo‘ldilar. Safari davomida  delegatsiya a’zolari Xitoy va O‘zbekistonning kasbiy ta’lim tashkilotlari bilan qo‘shma ta’lim dasturlarini amalga oshirish,  o'quv hamda  ilmiy sohalarda hamkorliklarni yo‘lga qo‘yish, xususan, professor-o‘qituvchilar almashinuvi, ta’lim sohasida o‘zaro tajribalar almashish, ilmiy dastur va loyihalarni tashkillashtirish kabi bir qator masalalar yuzasidan fikr  almashdilar. Bugun 2025-yil 6-may kuni  Urganch Abu Ali ibn Sino nomidagi jamoat salomatligi texnikumi direktori M.M.Axmedova Xitoy safari taassurotlarini o‘rtoqlashish maqsadida ta’lim muassasasi o‘quvchilari bilan uchrashdi. 
Direktorning yoshlar bilan uchrashuvi ochiq muloqot tarzida va motivatsion ruhda boʼlib o‘tdi. Uchrashuvda direktor M.M.Axmedova Xitoy xalq  Respublikasi hamda O‘zbekiston Respublikasining kasbiy ta’lim tashkilotlar bilan qo‘shma ta’lim dasturlarini amalga oshirish yuzasidan Xitoy xalq Respublikasi Anxu provinsiyasining “Anhui Medical College of China” bilan anglashuv memorandumi imzolanishi haqida gapirdi. Davlatimiz tomonidan yoshlarga yaratilayotgan imkoniyatlar va ta’lim sohasidagi islohotlar haqida gapirar ekan, kelajak egasi sifatida bugungi kun yoshlarini tinimsiz ravishda o‘z ustida ishlashga, mustahkam ilm olishga, xorijiy tillarni oʼrganishga, yurt ravnaqi yoʼlida maqsadga intilishga chaqirdi. Ochiq muloqot davomida talabalar oʼzlarini qiziqtirgan savollar bo‘yicha erkin fikr-mulohazalarini bildirdilar,  qator gʼoya, tashabbus va takliflar berdilar.