Ta’lim muassasasida “Ona tili – millatning ruhi” mavzusida targʻibot tadbiri oʻtkazildi

Ona tilimiz – milliy maʼnaviyatimizning bitmas tuganmas bulog‘idir. Shunday ekan, unga munosib hurmat va ehtirom ko‘rsatish barchamizning nafaqat vazifamiz, balki muqaddas insoniy burchimizdir.  
                                   Sh. MIRZIYOYEV

Urganch Abu Ali ibn Sino nomidagi Jamoat salomatligi texnikumida “Milliy qadriyatlar” haftaligi doirasida “Ona tili – millatning ruhi” mavzusida targʻibot tadbiri oʻtkazildi. Tadbirda yoshlar bilan ishlash bo‘yicha direktor o‘rinbosari M.X. Zaripova o‘zbek tilining jamiyat hayotida tutgan o‘rni va ahamiyati, tilimizning boy tarixi va bugungi nufuzi to‘g‘risida fikr yuritdi. 
Shuningdek,  milliy qadriyatlarimizni asrash , xalqning madaniy merosi, tarixiy xotirasi va milliy oʻzligini saqlab qolishdagi beqiyos oʻrni alohida taʼkidlandi.