Insholar tanlovi

Urganch Abu Ali ibn sino nomidagi Jamoat salomatligi texnikumida 2025-yilning 28-fevral kuni  "Milliy  qadriyatlar va ularning millat ma'naviyatidagi o'rni" shiori ostida “Jadidlar: milliy o‘zlik, istiqlol va davlatchilik g‘oyalari” mavzusida insholar tanlovi o'tkazildi.Tanlovda 1-bosqich o‘quvchilari faol ishtirok qilishdi. Insholar tanlovida o‘quvchilarning imlo savodxonligi, fikrlarning uslubiy ravonligi tekshirilishi barobarida yoshlarning jadidlar faoliyatining asosiy g‘oyalari,  mafkuraviy fikrlashi, xulosaviy tahlillari inobatga olindi.Insholar tanlovi g‘oliblari kommissiya a‘zolari tomonidan baholandi. G‘olib o‘quvchilar texnikum ma’muriyati tomonidan rag‘batlantirildi.Tanlovning asosiy maqsadi jadid bobolarimiz faoliyatini o‘rganish, ularning ibratli hayoti va ijodi bilan tanishish, katta tajriba va mahorat maktabi sifatida ko‘rish, bizga meros bo‘lib qoldirgan asarlari va g‘oyalari ulug‘ maqsadlar yo‘lidagi mardona kurashi va fidoyiligini chuqurroq o‘rganishdan iborat.