“OGOHLIK – DAVR TALABI” MAVZUSIDA DAVRA SUHBATI O‘TKAZILDI

Joriy yilning 26-fevral kuni Urganch Abu Ali ibn Sino nomidagi Jamoat  salomatligi texnikumida talabalarning is gazi hamda texnika xavfsizligi qoidalariga rioya qilishlarini ta’minlashga bag‘ishlangan “Ogohlik – davr talabi” mavzusida davra suhbati o‘tkazildi. Davra suhbatida Xonqa 2-son politexnikumi masterlari F.Yusupov, R.Karimov hamda politexnikum talabalari ham ishtirok qilishdi.Davra suhbatida yong‘in xavfsizligi qoidalari,  qo‘lbola isitish moslamalari, gazdan to‘g‘ri foydalanish, is gazi bilan bog‘liq muammolarni to‘liq bartaraf etish choralarini ko‘rish yuzasidan tushuntirishlar berib o‘tildi.Shuningdek, is gazidan zaharlanish hamda havo-gaz aralashmasi chaqnashi bilan bogʻliq favqulodda vaziyatlarning oldini olish va ushbu holatlarda toʻgʻri harakat qilish haqida alohida ko‘rsatmalar berildi.Tadbir so‘ngida mavzuga doir videolavha talabalar e’tiboriga havola qilindi