“O‘zbekiston bo‘ylab sayohat qil!” shiori ostida Samarqand shahriga sayohat tashkil etildi.

Joriy yilning 10–12-aprel kunlari Urganch Abu Ali ibn Sino nomidagi Jamoat salomatligi texnikumida kasaba uyushmasi qo‘mitasi tashabbusi bilan “O‘zbekiston bo‘ylab sayohat qil!” shiori ostida Samarqand shahriga sayohat tashkil etildi.
Sayohat davomida ishtirokchilar Samarqand shahrining ko‘hna va betakror tarixiy obidalari — Registon maydoni, Amir Temur maqbarasi, Shohi Zinda hamda Imom Buxoriy majmuasi kabi muqaddas va diqqatga sazovor maskanlarga tashrif buyurib, ularning boy tarixiy ildizlari hamda yuksak madaniy-ma’naviy ahamiyati bilan batafsil tanishdilar.
Shuningdek, sayohat dasturi doirasida ishtirokchilar uchun mazmunli madaniy hordiq tadbirlari tashkil etildi. Mazkur tadbirlar  milliy qadriyatlarimiz va boy tarixiy merosimizga hurmat tuyg‘usini yanada mustahkamlash, shuningdek, jamoa a’zolari o‘rtasida hamjihatlik va o‘zaro hamkorlik muhitini rivojlantirishga xizmat qildi.