Kimyo fanidan Respublika fan olimpiadasi davom etmoqda

Ayni damda Termiz Davlat Universitetida Kimyo fanidan Respublika fan olimpiadasining ikkinchi bosqichi boʻlib oʻtmoqda.
1-bosqichda 23 ta oliy ta’lim muassasasidan 60 nafarga yaqin iqtidorli talabalar oʻz bilim va salohiyatlarini sinovdan oʻtkazishdi. Saralash natijalariga koʻra, 2-bosqichga 4 ta OTMdan 5 nafar eng yuqori ball toʻplagan talabalar yoʻllanma oldi.

Hozirda 2-bosqich ishtirokchilari  kimyoviy tajribalar asosida amaliy ishlarni bajarmoqda. Bu esa ularning fan boʻyicha egallagan chuqur bilim va koʻnikmalarini namoyon etish imkonini bermoqda.