Ishonch telefoni
Bosh sahifa » BOSH SAHIFA / Texnikum yangiliklari » KIBERJINOYATCHILIK VA NARKOMANIYAGA QARSHI KURASH MAVZUSIDA TARG‘IBOT TADBIRI BO‘LIB O‘TDI

KIBERJINOYATCHILIK VA NARKOMANIYAGA QARSHI KURASH MAVZUSIDA TARG‘IBOT TADBIRI BO‘LIB O‘TDI

18-09-2026, 11:55
36
2026-yil 18-sentabr kuni Urganch Abu Ali ibn Sino nomidagi Jamoat salomatligi texnikumida “Kiberjinoyatchilik va narkomaniyaga qarshi kurash” mavzusida targ‘ibot tadbiri tashkil etildi.
Tadbir Xorazm viloyati hokimligi, Xorazm viloyati kasbiy ta’lim boshqarmasi, viloyat IIB hamda Respublika ixtisoslashtirilgan ruhiy salomatlik ilmiy-amaliy tibbiyot markazi hamkorligida o‘tkazildi.
Unda Xorazm viloyat hokimining yoshlar siyosati, ijtimoiy rivojlantirish va ma'naviy-ma'rifiy ishlari bo'yicha o'rinbosari Sh. Berdiyev,  kiberjinoyatlarga qarshi kurashish boshqarmasi katta inspektori Sh. Po'zmetov, viloyat sog'liqni saqlash boshqarmasi oliy toifali shifokori D.Eshchanov, Xorazm viloyati kasbiy ta'lim boshqarmasi boshlig'i O.Saidov hamda o‘quvchilar ishtirok etdi.
Tadbir davomida mutaxassislar tomonidan yoshlarga zamonaviy kiberxavflar, internet firibgarligining oldini olish, shubhali xabar va havolalardan ehtiyot bo‘lish, shaxsiy ma’lumotlarni himoya qilish bo‘yicha muhim tavsiyalar berildi.
Shuningdek, narkomaniyaning inson salomatligi va kelajagiga salbiy ta’siri, giyohvandlik vositalaridan yiroq bo‘lish, sog‘lom turmush tarziga amal qilish hamda zararli odatlarga qarshi mustahkam immunitetni shakllantirish masalalariga alohida e’tibor qaratildi.
Tadbirning asosiy maqsadi — yoshlarning huquqiy va axborot xavfsizligi borasidagi bilimlarini oshirish, ularni kiberjinoyatchilik va giyohvandlik kabi tahdidlardan ogoh etish, sog‘lom va xavfsiz hayot tarzini targ‘ib qilishdan iborat.


Ctrl
Enter
Xatoligni aqniqladingizmi?
Matnni belgilang va Ctrl+Enter tugmalarini bosing.




ru en uz