ҲУРМАТЛИ ВА ҚАДРЛИ ЖАМОАМ, АЗИЗ ЎҚУВЧИЛАРИМ!

Бу кун  Ватанимиз равнақи, юртимиз тинчлиги, халқимиз  фаровонлиги йўлида астойдил  курашган ота-боболаримизни ёд этар эканмиз, уларнинг босиб ўтган таҳликали йўллари кўз олдимизда гавдаланади, жасоратли ва машаққатли ҳаётлари  бизга ва фарзандларимизга доимо ўрнак бўлиб хизмат қилади. 
Аёвсиз урушнинг қонли майдонларида қурбон бўлган аждодларимизнинг руҳи покларига доимо ҳурмат бажо келтирамиз. Халқимиз азалдан ўлкамизни босқинчилардан ҳимоя қилган, унинг эркинлиги, мустақиллиги ва дахлсизлиги учун курашган қаҳрамонларини эъзозлаб келмоқда. 
                                                                 Жанг майдонларида қаҳрамонлик кўрсатган, фронт ортида мардона меҳнат қилган, бизга тинчлик деган иномини ҳадя қилган уруш ва  меҳнат  фахрийларимизга  доимо таъзим қиламиз!                                                                                                     
Ҳозирги тинч-осойишта ҳаётимиз, мусаффо осмонимиз учун уларга чексиз миннатдорлик билдираман.

Байрам муносабати билан Ватанимиз озодлиги йўлида  фидокорона курашган ота-боболаримизни,  Сиз азизларни, аҳли оилангизни улуғ  айём билан самимий табриклайман!  Сизларга мустаҳкам соғлик, кўтаринки кайфият, улкан зафарлар ва тинчлик тилайман!   
Даргоҳимиздан ўтган азиз устозларимизни жойлари жаннатда, оҳиратлари обод бўлсин!                                    
9 май - Хотира ва Қадрлаш куни  муборак бўлсин!

Ҳурмат билан, 
Муборак АҲМЕДОВА