“Inson xotira tuyg‘usi bilan barhayotdir” mavzusida ma’naviyat soatlari tashkil qilindi

Urganch Abu Ali ibn Sino nomidagi Jamoat salomatligi texnikumida  9-may – Xotira va qadrlash kuni munosabati bilan “Inson xotira tuyg‘usi bilan barhayotdir” mavzusida ma’naviyat soatlari o‘tkazildi. 
Ma’naviyat soatlari davomida O‘zbekiston tarixida mardlik va fidoyilik namunasi ko‘rsatgan insonlar, Ikkinchi jahon urushi qatnashchilari va  front ortida  mehnat qilgan insonlar haqida ma’lumotlar berildi. O‘quvchilar urush yillari aks etgan she’rlar, hikoyalar, sahna ko‘rinishlari orqali xotirani ardoqlash g‘oyasini yanada chuqurroq anglab yetdilar.
Ma’naviyat soatlari orqali yoshlarda Vatanga muhabbat, tinchlik va barqarorlikning qadriga yetish tuyg‘ulari shakllantirildi.